17:24, 30 Желтоқсан 2018 | GMT +6
Зарина Дияс Қытайдағы беделді турнирде ресейлік теннисшіден жеңіліп қалды
АСТАНА. ҚазАқпарат - Зарина Дияс Қытайдың Шэньчжэн қаласындағы беделді турнирде ресейлік теннисші Евгения Родинадан жеңіліп қалды, деп хабарлайды ҚазАқпарат Sports.kz-ке сілтеме жасап.
Матч 3:6, 6:3, 7:6 (9:7) есебімен аяқталды.
WTA рейтингінде 71-орында тұрған ресейлік теннисшімен Дияс бұған дейін де кездескен болатын. 2018 жылы Цинциннатиде өткен турнирде отандасымыз екі сеттің қорытындылары бойынша жеңіске жеткен.
Енді Шэньчжэн турнирінде Родина Элисон Риске (АҚШ) - Ван Цян (Қытай) матчының жеңімпазымен күш сынасады.
Шэньчжэн турнирінің жүлде қоры 600 мың АҚШ долларын құрайды. Қазіргі чемпион - румыниялық Симона Халеп. Ол былтыр финалда чехиялық Катержина Синяковадан басым түскен.