Зарина Дияс 2015 жылғы алғашқы жарысын сәтті бастады

АСТАНА. ҚазАқпарат - Зарина Дияс 2015 жылды Қытайдағы жарыс басындағы жеңісімен бастады. 21 жастағы қазақстандық спортшы 500000 доллар жүлделік қоры бар Shenzhen Open жарысында төртінші нөмірмен шығып, бірінші айналымның матчын жеңіп алды.

Орталық кортта Әлемде 33-ші ракетка болып табылатын қазақстандық теннисші бір сағаттан аз уақыттың ішінде Хорватияның өкілі, WTA рейтингісінің 82-ші ракеткасын Донна Векичті 6:3, 6:1 есебімен ұтты.

Екінші айналымда Зарина Тимеа Бабош (Венгрия) - Цзян Ван (Қытай) арасындағы ойынның жеңімпазына қарсы шығады.