Заңсыз ойын бизнесін кәсіп еткен ақтөбеліктер сотталды

АҚТӨБЕ. ҚазАқпарат – Ақтөбелік тұрғын букмекерлік кеңсе атын жамылып, ойын бизнесін жүргізген. Сот үкімі шықты, деп хабарлайды ҚазАқпарат тілшісі.

ҚР ҚМ Қаржы мониторингі комитетінің Ақтөбе облысы бойынша Экономикалық тергеу департаменті заңсыз ойын бизнесін ұйымдастырған қала тұрғынына қатысты сотқа дейінгі тергеуді аяқтады.

«STOP-ойын» жедел іздестіру іс-шарасын жүргізу барысында анықталды заңсыз бизнес анықталды. Ақтөбе мен Хромтау қалаларында орналасқан үш мекенжайда букмекерлік кеңсенің атын жамылған заңсыз ойын мекемелері қызметінің жолы кесілді. Ақтөбе қаласы №2 сотының үкімімен қала тұрғыны Қылмыстық кодекстің «Заңсыз ойын бизнесiн ұйымдастыру» бабы бойынша кінәлі деп танылып, 500 АЕК айыппұл салынды. Тәркіленген заттай айғақтар мемлекет кірісіне аударылды», - деп хабарлады ҚР ҚМ ҚМК баспасөз қызметі.