Заңсыз бекіре алып жүрген маңғыстаулыққа 7 млн теңге айыппұл салынуы мүмкін
Ақтауда әуежайға баратын тас жолдың бойында браконьерлік жасады деген күдіктінің көлігі тоқтатылды. Облыс тұрғыны көлігінің жүксалғышында 25 келі бекіре тұқымдас балық шыққан.
4 тамызда кешке қарай Маңғыстау облыстық ІІД Жергілікті полиция қызметінің ЖПҚ қызметкерлері табиғатты қорғау полициясы қызметкерлерімен бірге Toyota Camry көлігін тоқтатқан.
Көліктің жүк салғышын тексеру барысында 7 бекіре тұқымдас балық табылып, тәркіленді. Балықтардың салмағы келі болды.
«Осы оқиға бойынша ҚР ҚК-нің 339-бабы 1-бөлігі бойынша ер адамның үстінен сотқа дейін тергеу жүргізілуде. Аталмыш бап сирек және жойылып бара жатқан өсімдік және жануарлар түрлірімен, олардың дериваттары немесе бөліктерін заңсыз алып жүруді қарастырады. Ер адамға 3 мың АЕК (7 215 000 теңге) айыппұл немесе 3 жыл бас бостандығынан айыру немесе сол мерзімге еңбекпен түзету жазасы берілуі мүмкін.