Заңгер Бұрхан Жансейітовті үйқамақта ұстау шешімі қабылданды
11:13, 17 Шілде 2022
АЛМАТЫ. ҚазАқпарат - Заңгер Бұрхан Жансейітов үйқамаққа алынды, деп хабарлайды ҚазАқпарат тілшісі.
Алматы қалалық соттың мәліметінше, Бұрхан Жансейітов екі айға үйқамаққа алынды.
«Алматы қаласы тергеу сотының 2022 жылғы 17 шілдедегі қаулысымен Б. Жансейітов 2 ай мерзімге, яғни 17 қыркүйекке дейін үйқамаққа алынды, күзетпен ұстау түріндегі бұлтартпау шарасын санкциялаудан бас тартылды», - деп хабарлады ведомстводан.
Еске салайық, 15 шілде күні Қаржы мониторингі агенттігі Алматыда заңгер Бұрхан Жансейітовтің ұсталғаны туралы хабарлаған болатын.