Закир Сафиуллин бокстан Олимпиадаға іріктеу турнирінің финалына шықты
Ерлер арасында 63 келі салмақта ел намысын қорғап жатқан отандасымыз Закир Сафиуллин жартылай финалда жергілікті боксшы Обада Мохаммед Мұстафа Алкасбехпен жұдырықтасты.
Жекпе-жек алғашқы минуттардан-ақ тартысқа толы болды. Алғашқы раундта жергілікті боксшының қарқыны жоғары көрінді. Алайда, екінші раундта қазақстандық боксшы таразы басын өзіне аударып, жекпе-жекті одан ары қыздырып жеберді. Соңғы раундта жерлесіміз қарсыласына ауыр соққыларын дарыта отырып, жеңісті жұлып алды. Төрешілер бір ауыздан қазақ боксшысын жеңімпаз деп таныды.
Осылайша, Закир Сафиуллин қазақ боксшылары арасынан алғаш болып Олимпиадалық іріктеу турнирінің финалына шықты.
Енді, санаулы минуттардан кейін, 69 келі салмақта Абылайхан Жүсіпов пен 91 келі салмақта Василий Левит шаршы алаңға шығады.