ЮНЕСКО мұхит әлемін зерттеуге көп көңіл бөлмек

НҰР-СҰЛТАН. ҚазАқпарат – Бүгінде мұхит түбінің 20 пайызы ғана картаға түсірілген. ЮНЕСКО 2030 жылға қарай бұл көрсеткішті 80 пайызға жеткізбекші, деп хабарлайды Қазақпарат БҰҰ жаңалықтар сайтына сілтеме жасап.

Океанографиялық зерттеулер қолданбалы ғылымның ең перспективалы бағыттарының бірі болғанымен, мемлекеттер мұхитқа зерттеу бюджетінің орта есеппен тек 1,7 пайызын ғана жұмсайды, бұл ғылыми зерттеулердің басқа салаларынан әлдеқайда аз.

Теңіз түбінің тереңдігі мен рельефін білу мұхит бұзылыстарын, ағыстарды және толқындарды түсіну үшін өте маңызды. Бұл деректер сейсмикалық және цунами қаупін болжауға, сондай-ақ қорғауды қажет ететін табиғи ерекшеліктер мен балық ресурстарын анықтауға көмектеседі.
Бұл білім инфрақұрылым нысандарының құрылысын жоспарлау және мұнай төгілулері, ұшақ апаттары және теңіз апаттары сияқты апаттарға тиімді әрекет етуді әзірлеу кезінде де өте маңызды.