Юлия Путинцева WTA рейтингіндегі үздік отыздыққа жақындап қалды

НҰР-СҰЛТАН. ҚазАқпарат - Әйелдер теннисі қауымдастығы (WTA) жеке және жұптық рейтингісін жаңартты, деп хабарлайды ҚазАқпарат Sports.kz сайтына сілтеме жасап.

Алғашқы үштік өзгерген жоқ: аустралиялық Эшли Барти көш бастады, екінші орында – чехиялық Каролина Плишкова, үшінші орында жапон спортшысы Наоми Осака тұр.

Қазақстандық Юлия Путинцева 36-орыннан 34-орынға көтерілді, Елена Рыбакина 43-орында қалды, Зарина Дияс бір позицияға көтеріліп, қазіргі таңда 78-орында тұр.

Жұптық сайыста Галина Воскобоева 37-орыннан бір орынға орынға көтерілді, ал Анна Данилина 128-орында тұр (126-шы болған).