Юлия Путинцева Торонтода әлемнің үшінші ракеткасын жеңді
08:25, 11 Тамыз 2022
НҰР-СҰЛТАН. ҚазАқпарат - Қазақстандық Юлия Путинцева Торонто WTA-1000 турнирінің үшінші айналымына шықты, деп хабарлайды ҚазАқпарат тілшісі.
Ю.Путинцева екінші айналымда әлемнің 3-ракеткасы, испаниялық Паула Бадосамен шеберлік байқасты.
Бірінші партияда қазақстандық теннисші басымдылық көрсетті - 7:5.
Екінші сетте есеп 1:0 болған мезетте испаниялық спортшы бәсекені жалғастырудан бас тартты.
Бір сағат 27 минутқа созылған кездесуде Путинцева 2 эйс жасап, 13 брейк-пойнттың екеуін пайдалана білді.
Юлия Путинцева ширек финалға шығу үшін әлемнің 37-ракеткасы, америкалық Элисон Рискемен таласады.
Еске сала кетейік, бұдан бұрын Елена Рыбакинаның Ролан Гаррос Торонто мастерс турнирінде жеңіліп қалғанын жазған болатынбыз.
Фото: sport.kz