Юлия Путинцева Торонто турнирінің жартылай финалына шыға алмады

None
НҰР-СҰЛТАН. ҚазАқпарат – Қазақстандық, әлемнің 46-ракеткасы Юлия Путинцева Торонто (Канада) WTA-1000 турнирінің жартылай финалына шыға алмады, деп хабарлайды ҚазАқпарат тілшісі.

Қазақстандық теннисші ширек финалда әлемнің 7-ракеткасы Джессика Пегуламен шеберлік байқасты.

Қарсыластар бұған дейін кортта өзара кездеспеген еді.

Д.Пегула 6:3, 6:3 есебімен екі сетте жеңіске жетті.

Бәсеке 1 сағат 21 минутқа созылды.

Америкалық теннисші финалға шығу үшін әлемнің 15-ракеткасы, румыниялық Симона Халеппен таласады.

Ю.Путинцева жұптық сында да жартылай финалға өте алмады. Ол америкалық София Кенинмен бірге ширек финалда америкалық Мэдисон Киз – үндістандық Саня Мирзаға жол берді – 5:7, 6:3, 6:10.

Юлия Путинцеваның жекелей сында мастерс жарысының ширек финалына дейін жетуінің өзі табыс деп бағалауға болады. Ол алдағы дүйсенбіде жаңартылатын рейтингіде 38-орынға көтеріледі.

Еске сала кетейік, бұдан бұрын Юлия Путинцеваның Торонто турнирінің ширек финалына шығып, Дэвис кубогының финалдық кезеңіне қатысатын Қазақстан ерлер құрамасы анықталғанын жазған болатынбыз.

Сондай-ақ Гөзал Айнитдинова Өскемен турнирінің жартылай финалына өтті.

Жібек Құламбаева Өскемен турнирінің финалына жолдама алды.



Соңғы жаңалықтар