Ыстанбұлда «Түркі әлеміндегі әйелдер рөлі» тақырыбында халықаралық жиын өтеді
Алқалы жиынды Болгариядағы (BULTÜRK) Түркі мәдениеті қауымдастығы, Ыстанбұл қаласындағы Байрампаша ауданының муниципалитеті, Молдованың Достық, мәдениет және ынтымақтастық қауымдастығы, сондай-ақ Болгарияның стратегиялық зерттеу орталығы ұйымдастырып отыр.
BULTÜRK төрағасы Рафет Улутюрктің хабарлауынша, конференция түркі әлеміндегі әйелдердің рөлін талқылап қана қоймай, олардың үкіметтік емес ұйымдарының мақсат-міндетін айқындауға көмектесетін болады.
«Конференция өте маңызды. Біз нәзік жандардың халықаралық тұғырнамасын құрып, бұл арқылы нәзік жандар өкілдерінің өзекті мәселелеріне назар аудартуға тырысамыз. Алқалы жиынға жергілікті және шетелдің БАҚ шақырылып отыр. Конференция қорытындысы бойынша мәлімдеме қабалданатын болады»,-дейді Улутюрк.