«Ягуар ленд ровер» АҚШ-тан ақаулы 100 мыңнан астам көлігін қайтармақшы

АСТАНА. ҚазАқпарат - Британияның Jaguar Land Rover көлік шығару концерні сенбі күні АҚШ нарығынан бірқатар ақаулары анықталған 104 мың көлігін қайтарып алатынын туралы жариялады.

Сервистік акция 2006-2012 жылдары шығарылған 75 мыңға жуық жол талғамайтын көлікке қатысты. Бұл көліктердің тежегіш сұйықтығының ағып кету қаупі бар. Бұл күрделі проблема болып табылады, себебі сұйықтықтың жетіспеуі тежегіш жүйесінің толық істен шығауына әкеліп соқтыра алады, деп хабарлайды ТАСС.

Бұдан басқа, дәл осындай ақау салдарынан 2013, 2014 жылдары шығарылған 25 мыңға жуық Range Rover және Range Rover Sport көліктері қайтарылмақшы. 2012-2015 жылдары шығарылған тағы 5 мыңға жуық Jaguar XK көліктерінде бұру белгісін білдіретін шырақтың ақауы анықталды.

Концерн қайтарылатын барлық көліктердің анықталған ақауларын тегін жөндеп береді.