23:04, 07 Ақпан 2021 | GMT +6
WBC рейтингіндегі қазақстандық боксшылардың орны белгілі болды
НҰР-СҰЛТАН. ҚазАқпарат – Дүниежүзілік бокс кеңесі (WBC) барлық салмақ санатындағы боксшылардың жаңаланған рейтингін жариялады, деп хабарлайды ҚазАқпарат Sports.kz сайтына сілтеме жасап.
Назарларыңызға Қазақстан өкілдерінің рейтингідегі позициясын ұсынамыз:
Бірінші ауыр салмақтағы Қамшыбек Қоңқабаев 37-орынға орналасты;
Екінші орта дивизионда Айдос Ербосынұлы 12-інші, Әли Ахмедов 23-орында;
Орта категорияда өнер көрсететін Жәнібек Әлімханұлы 5-тен 6-позицияға түсіп қалды. Мейірім Нұрсұлтанов 17-ден 15-ке көтерілді;
Бірінші орта салмақтағы Тұрсынбай Құлахмет 25-орыннан 27-ке ығысты. Садриддин Ахмедовтің 27-позициядан бірден 17-ге көтерілді;
Жартылай орта салмақтағы Данияр Елеусінов 23-орында қалды;
Бірінші жартылай орта салмақтағы Батыр Жүкембаев бір жолға көтеріліп, 8-інші орынға жайғасты;
Екінші жартылай жеңіл салмақ дивизионындағы Сұлтан Зәуірбек екі жолға жоғарылап, рейтингіде 37-інші болды.