WBC «Канелодан» титулды қайтарып алды

НҰР-СҰЛТАН. ҚазАқпарат - Дүниежүзілік бокс кеңесі (WBC) әлем чемпионы атағының жаңа позициясын құрды - мексикалық Сауль «Канело» Альварес «franchise champion» болып жарияланды, деп xабарлайды Sports.kz.

Осылайша, «Канелоға» тиесілі болған орта салмақтағы әлем чемпионы атағы америкалық Джермалл Чарлоға берілді. Ол бұған дейін «уақытша» чемпион болған еді.

Еске салайық, орта салмақта қазақстандық боксшы Геннадий Головкин өнер көрсетеді. WBC титулы оның алдында GGG-ге тиесілі болды. Головкин соңғы айқасын 8 маусымда Нью-Йоркте өткізді: қазақстандық канадалық боксшы Стив Роллсты нокаутқа түсіріп, кейін Альвареске үшінші жекпе-жек өткізуге ұсыныс жасады.