+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Волейболдан Азия чемпионаты: Қазақстан жарысты ерте аяқтады

2021 жылғы 14 қыркүйек 12:28
Бөлісіңіз:
Волейболдан Азия чемпионаты: Қазақстан жарысты ерте аяқтады

НҰР-СҰЛТАН. ҚазАқпарат - Жапонияның Тиба қаласында өтіп жатқан волейболдан ерлер арасында Азия чемпионатында Қазақстан құрамасы үш кездесуінде де жеңілді, деп хабарлайды ҚазАқпарат тілшісі.

Айта кетейік, қазақстандық волейболшылар D тобында сынға түседі. Қарсыластары - Оңтүстік Корея, Қытайлық Тайбэй және Сауд Арабиясы.

Бүгін қазақстандық волейболшылар Сауд Арбаиясына 0:3 (20:25, 22:25, 19:25) есебімен есе жіберді. Одан бұрын қазақстандық волейболшылар Қытайлық Тайбэй мен Оңтүстік Кореяға дәл сол есеппен жеңілген болатын.

Осылайша Қазақстан құрамасы өз тобында төртінші орынды місе тұтты. Нәтижесінде жарысты ерте аяқтауға мәжбүр болды.

Азия чемпионаты 12-19 қыркүйек аралығында өткізіледі.

Құрдықтық додада 16 құрама төрт топқа бөлінген.

А тобында Жапония, Үндістан, Катар, Бахрейн, B тобында Иран, Пәкістан, Иран, Гонкон, С тобында Қытай, Австралия, Кувейт, Шри-Ланка құрамалары шеберлік байқасады.

Әрбір топтан алғашқы екі орын алған құрамалар жарысты жалғастырады.

D тобында ондай мүмкіндікке Қытайлық Тайбэй мен Оңтүстік Корея ие болды.


Біздің каналымызға жазылыңыз:

Бөлісіңіз:

Автор:

Әділжан Үмбет

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059

MURAǴAT