+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

Волейбол: Қазақстан қыздары Олимпиада жолдамасына таласады

2019 жылғы 24 тамыз 23:49
Бөлісіңіз:
Волейбол: Қазақстан қыздары Олимпиада жолдамасына таласады

НҰР-СҰЛТАН. ҚазАқпарат - Волейболдан Қазақстан қыздар командасы 2020 жылғы Токио Олимпиадасының жолдамасы үшін қаңтар айында лицензиялық турнирге қатысатын болды. Бұл жолдама Азия аймақтық іріктеу турнирінде сарапқа салынады, деп хабарлайды ҚазАқпарат тілшісі.

Ұқсас жаңалықтар
Волейболдан Азия чемпионатында Қазақстан командасы бесінші орын алды Азия чемпионаты: Волейболдан Қазақстан қыздары жарыстың келесі сатысына шықты

Бүгінгі күндері Оңтүстік Кореяның Сеул қаласында волейболдан қыздар арасында Азия чемпионаты өткізілуде. Аталмыш дүбірлі додада біздің қыздар алдымен В тобында сынға түсіп Австралияны 3:0, Үндістанды 3:1 есебімен жеңіп, Жапонияға 0:3 есебімен жол берді. Құрамамыз жарыстың келесі сатысында F тобында Қытайдан 0:3 есебімен жеңіліп, Индонезияны дәл осы есеппен тізе бүктірді.

Қазақстан қыздары бүгін 5-8 орындар үшін сайыста Иран құрамасын 3:0 есебімен жеңді. Енді олар 25 тамызда 5 орын үшін Тайвань құрамасымен сынға түседі.

Азия чемпионатында алғашқы алтылыққа енген құрамалар алдағы қаңтар айында Токио Олимпиадасына берілетін жолдама беретін лицензиялық турнирге қатысады.

Қазақстан қыздары соңғы рет Жазғы Олимпиадаға 2008 жылы қатысқан еді. Айта кетерлігі, лицензиялық турнирге қатысатын құрамалар арасында Жапония дүбірлі доданы өткізетін ел ретінде жолдамаға ие болса, Қытай қыздары құрлықаралық іріктеу турнирінде Олимпиада жолдамасына қол жеткізді.


Біздің каналымызға жазылыңыз:

Басты сөздер: Спорт, Олимпиада,
Бөлісіңіз:

Аударма:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT