+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Витастың продюсері Димаш орындаған ән үшін дау шығарды

2017 жылғы 31 қаңтар 17:25
Бөлісіңіз:
Витастың продюсері Димаш орындаған ән үшін дау шығарды

АСТАНА. ҚазАқпарат - Ресейлік танымал әншісі Витастың продюсері Қытай телеарнасына хат жазып, Димаш Құдайбергенов орындаған «Опера 2» әні үшін наразылық білдірді. Бұл туралы Қытайдың әлеуметтік желілері жазып жатыр, деп хабарлайды ҚазАқпарат тілшісі.

Витастың продюсері Сергей Пудовкиннің «Вибо» (қытайлық твиттер) әлеуметтік желісіндегі парақшасында «Пудовкин» продюсерлік орталығының Хунан телеарнасына жазған хатын жариялады. Онда аталмыш телеарнаның авторлық құқық заңнамаларын сақтамағандығы айтылған.

«Опера 2» - ресейлік танымал әнші Виталий Гогунскийдің авторлық әні. Әуені де, сөзі де Витасқа тиесілі. Ол 2000 жылы бұл әнді тұңғыш рет орындап, танымал болды. Витастың барлық әндерінің құқығы «Пудовкин» продюсерлік орталығының меншігінде. Хунан телеарнасы ұйымдастырған «Singer2017» ән байқауында қазақстандық әнші Димаш Құдайбергенов 28 қаңтар күні «Опера 2» әнін орындап, бұл телеарна арқылы кеңінен таралды. Бұдан бөлек (Димаштың әні) әр түрлі сайттарда кеңінен жүктеліп, пайдаланылуда. Сонымен бірге 30 қаңтар күні бұл ән «бүкіл әлемдік Қытайдың көктем мерекесінде» тағы орындалып, телеарна, интернет арқылы тағы таралды. Витас әндері әлемнің көп елдерінде таралғанымен пайдалануда жергілікті органдар арқылы заңдық құқық қорғалады. Бұл жолы Хунан телеарнасы «Пудовкин» продюсерлік орталығының заңдық мүддесіне залал келтірді», делінген хатта.

Сонымен бірге Витастың продюсерлік орталығы аталмыш телеарнаға мынадай талаптарын жолдаған:

1. Хатты алған соң, 30 қаңтар күні «бүкіл әлемдік Қытайдың көктем мерекесінде» айтылған «Опера 2» әнінің таралуын тоқтату.

2. Заңды жолмен рұқсат алынбаған жағдайда «Опера 2» әнін айтуға, пайдалануға болмайды.

3. Осы хатты алғаннан соң, 7 күн ішінде бізбен хабарласып, ортақ шешімге келу.

Хат соңында «Пудовкин» продюсерлік орталығының Хунан телеарнасымен келісімшарт жасауға дайын екендігі айтылған.

null null null

Біздің каналымызға жазылыңыз:

Бөлісіңіз:

Автор:

Ризабек Нүсіпбекұлы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059

MURAǴAT