+7 (701) 759 90 19
USD 384.63 EUR 427.98
RUB 6.08 CNY 54.68
Jańalyqtar

Вице-министр: Ресей нарығына енген отандық компаниялар проблемаларын айта бермейді

2019 жылғы 3 қазан 17:10
Бөлісіңіз:
Вице-министр: Ресей нарығына енген отандық компаниялар проблемаларын айта бермейді

НҰР-СҰЛТАН. ҚазАқпарат – Еуразиялық экономикалық одақ аясында Ресей нарығына енген отандық компаниялар бетпе-бет келген проблемаларын айтқысы келмейді. Бұл туралы ҚР Сауда және интеграция вице-министрі Қайрат Төребаев мәлім етті, деп хабарлайды ҚазАқпарат тілшісі.

Ұқсас жаңалықтар
ҚР Президенті: ЕАЭО маңызды интеграциялық бірлестіктердің біріне айналды ЕАЭО-ның перспективті тенденциялары қандай Президент: Цифрландыру ЕАЭО елдерінің басым бағытына айналуы керек

«ЕАЭО дегенде әкімшілік кедергілерден бұрын өте маңызды мәселелердің бірі – бәсекелестік. Өзіңіз білетіндей, Ресей үлкен мемлекет болғандықтан, онда сапалы тауар шығаратын компаниялардың саны өте көп. Сондықтан, сапалы тауарлармен біріншіден бәсекелестікке түсу керек. Одан бөлек, басқа мемлекеттерден импортталатын тауарлар да бар. Олармен да бәсеке қызу болуы тиіс. Үшіншіден, оларды ұтқаннан кейін ғана кедергілер пайда болуы мүмкін. Мәселен, «Зенченко» компаниясы (РФ нарығына кірген) 5 қыркүйекте сауда сөрелерінде тек 2-3 пайыздық мүмкіндік берілетінін айтқан еді. Ол мәселе бойынша біз Ұлттық экономика министрлігімен жұмыс жүргіздік. Мәселе тексеріліп жатыр», - деді ол ОКҚ-да өткен баспасөз мәслихатынан кейін тілшілерге берген жауабында.

Вице-министрдің айтуына қарағанда, қазақстандық билік отандық компаниялар бетпе-бет келген мәселелерді шешуге тырысады.

«Көптеген компания бізге проблемаларын айтпайды. Өйткені, олар келесі жолы РФ базарларында тауарымыздың жолы жабыла ма деп қорқады. Жалпы Сауда және интеграция министрлігі қазақстандық тауарлардың шетелде өткізілуіне мүдделі. Біз кәсіпкерлеріміздің мүддесін қорғап, барлық түйінді мәселелерді шешкіміз келеді. Алайда ол проблемалар туралы қорықпай айту керек. Мәселеге кезіктің бе – сабырды түрде сұрақтарды пысықтап, ортаға салу керек. Сонда ғана бізде әріптестерімізге қарсы нақты аргументтермен шыға алар едік. Бәлкім, бір жерде техникалық қателік болуы мүмкін, бір жерде тіпті түсініспеушілік туындаған болар. Сол себепті, біздің тауарды көрші елдердің нарықтары қолдан кіргізбей отыр деуге болмайды. Әрбір жағдайды жеке-жеке қарастырған абзал», - деді ол.

Еске сала кетсек, осыдан бірнеше күн бұрын Армения астанасы Ереванда өткен Жоғары Еуразиялық экономикалық кеңестің отырысында бірнеше мәселе көтерген болатын. Мемлекет басшысының айтуынша, ЕАЭО-да кейде ұлттық нарықтарда өзінің тауар өндірушілерін қорғау маңызды сипатқа ие болып жатады.

«Біз еркін сауда айналымы үшін қажетті нормативті базаны жасадық. Бұл – жетістік. Алайда іс жүзіне келгенде ұлттық нарықтарда жеке жағдайларда өзінің тауар өндірушілерін қорғау талап-тілегі – интеграцияның мақсаты мен міндеттерден маңызды сипатқа ие болып кетіп жатады. Әртүрлі сараптамалар, аймақтық деңгейдегі қосымша талаптар, жасырын нұсқаулар беру мәселесі бар», - деді Қасым-Жомарт Тоқаев жиында.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT