+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Вице-министр: Қазақстанда АЭС салу мәселесі зерттеліп жатыр

2021 жылғы 27 қазан 18:04
Бөлісіңіз:
Вице-министр: Қазақстанда АЭС салу мәселесі зерттеліп жатыр

НҰР-СҰЛТАН. ҚазАқпарат – Қазақстанда АЭС салу мәселесі зерттеліп жатыр. Бұл туралы Энергетика бірінші вице-министрі Мұрат Жүребеков айтып берді, деп хабарлайды ҚазАқпарат тілшісі.

«Мемлекет басшысы өз Жолдауында осы мәселені бір жылда пысықтауды тапсырды. Қазір біз бұл жөнінде белсенді жұмыс істеп жатырмыз. Яғни, біздің жұмысымыз – осындай жобаларды іске асыру үшін қажетті критерийлерді ескере отырып, ел аумағында АЭС салатын орынды анықтау. Біз сондай-ақ халықаралық сарапшылармен, соның ішінде технология, қуат бойынша консультациялар жүргізудеміз. Бізде тапшылық бола ма, егер болса, қай жылы және қандай көлемде болатынын анықтау үшін электр тұтыну мен электр өндірісінің теңгеріміне қараймыз. Бұл жұмыстардың барлығы қазір кешенді түрде жүргізілуде», - деді Мұрат Жүребеков Орталық коммуникациялар қызметінде өткен баспасөз мәслихатында.

Сонымен бірге, спикер АЭС-ке қатысты мәселелер халықаралық сарапшылармен бірге талқыланатынын атап өтті. Оның айтуынша, бір жыл ішінде ведомство мәселені одан әрі іске асыру бойынша өз пайымын ұсынады.

Айта кетейік, Президент Қасым-Жомарт Тоқаев биылғы Жолдауында 2030 жылға қарай электр энергиясының тапшылығы сезілетінін, әлемдік тәжірибе ең оңтайлы жол – бейбіт атомды ұсынып отырғанын айтты.



Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT