+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Вице-министр: Қар суын пайдалану үшін 28 шағын су қоймасы салынады

2020 жылғы 25 ақпан 16:08
Бөлісіңіз:
Вице-министр: Қар суын пайдалану үшін 28 шағын су қоймасы салынады

НҰР-СҰЛТАН. ҚазАқпарат – Экология, геология және табиғи ресурстар вице-министрі Сергей Громов көктемгі су тасқынын пайдаға жарату үшін арнайы бағдарлама дайындалғанын мәлім етті, деп хабарлайды ҚазАқпарат тілшісі.

Ұқсас жаңалықтар
Маңғыстау облысының тұрғынынан 500 келідей бекіре тұқымдас балық тәркіленді Түркістанда қаланы көркейту, көгалдандыру жұмыстары қарқын алды Түркістан облысында экологиялық заңнаманы бұзғандарға 13 млн теңге айыппұл салынды

«Тасқын суын шама жетсе пайдаға жарату керек. Әйтсе де жеріміздің солтүстігі мен орталық аумағының жазық боп келуі үлкен су қоймаларын салуға мүмкіндік бермейді. Тасқын суын жиып алу үшін аса үлкен су қоймасы керек. Жалғыз ғана Жайық өзені туралы айтар болсақ, кейінгі 10 жылдан бері ол жақта суы аз кезеңді өткеріп жатырмыз. Жақында Жайықтан барж арқылы насоспен су сорып, ЖЭО-ға жеткізуге тура келді. Ол жақта да су қоймасын салу мүмкіндігін қарастырғанбыз. Бірақ өкінішке қарай, ол жақта да үлкен су қоймасын салу мүмкін болмай тұр», - деді Сергей Громов Үкіметтің баспасөз орталығында өткен баспасөз мәслихатында.

Вице-министрдің айтуынша, ел аумағында шағын су қоймаларын салып, жазда ол су қорын егінге немесе басқа да қажеттілікке жаратуға болады.

«Президенттің тапсырмасымен, Үкіметтің қолға алуымен ондай бағдарлама жасалды. Біз су саласын жаңғырту бағдарламасы бойынша жұмыс жүргізіп жатырмыз. Бұл мәселе 2020-2030 жылдарға арналған жоспарда бар», - деді ол.

Сергей Громов бағдарлама бойынша көктемгі суды жинап алатын 28 су қоймасының салынатынын жеткізді.

«Сонымен қатар ескіріп, пайдаға жарамай қалған су қоймаларын қайта жаңғырту керек. Бүгін иесі жоқ 10 су қоймасының бары айтылып жатыр. Жергілікті атқарушы органдар ол нысандарды пайдалана алады. Алайда біз ол су қоймаларын нығайтып, көбірек су қорын жинай алатындай ол нысандарды жаңғыртуға мән беріп отырмыз», - деді вице-министр.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT