Вице-министр дәрігерлердің жалақысын өсіруге қатысты сұраққа жауап берді

None
None
    АСТАНА. ҚазАқпарат - Астанада жұқпалы ауруларды емдеу және оның алдын алу тақырыбында өткен дәрігерлердің ғылыми-тәжірибелік конференциясы басталды, деп хабарлайды «ҚазАқпарат» ХАА тілшісі.

Екі күнге созылатын ақ халаттылардың жиынына Германия, АҚШ, Израиль, Ресей, Украина, Өзбекстан, Қырғызстан елдерінің жұқпалы ауруларды емдейтін мамандары келіп, ғылыми тұрғыда тәжірибе алмаспақ.

Инфекциялық аурулардың менеджменті бойынша өткен баспасөз мәслихатында жұқпалы аурулардың емдейтін дәрігер Бақыт Көшерова елімізде инфекция саласындағы ақ халаттыларға психикалық және эмоциялық тұрғыда қысымның көп түсетінін, осыған қарамастан айлықтары төмен болатынын, сонымен бірге оларды сырқат жұқтыру қаупі жоғары екенін атап өтті. Осыған байланысты Бақыт Көшерова аталған саладағы дәрігерлердің жұмыс барысының қауіптілігіне байланысты айлықтарын қайта қарауды ұсынды.

Сондай-ақ ол бұл саладағы кадрлардың жетіспеушілігін де тоқталды.

Оның айтуынша, ауылдық елді мекендерде және медициналық-санитарлық қызмет саласында мамандар жетіспейтін көрінеді. Осыған байланысты Б.Көшерова инфекция саласындағы дәрігерлерді қайта даярлау мүмкіндігін қарастыру керектігін жеткізді.

Өз кезегінде сөз алған ҚР Денсаулық сақтау вице-министрі Ләззат Ақтаева елімізде шаруашылықты басқару құқығы бар көп бейінді стационарлар енгізіліп жатқаны туралы айтты.  Демек, бірінші жетекшілер еңбекақы қорын өздері басқарып, қол астындағы қызметкерлердің айлығын өз еркімен өсіре алады. Сонымен қатар, әкімшілік -басқару ресурсын қысқарту арқылы кететін шығын қысқартуға болатынын мәлім етті.

«Сіздердің бұл сұраққа талқылануы барысында баса маңыз бергендеріңіз жөн. Тек медициналық ұйымдар бізге нақты шығындарын көрсетіп бергені абзал», - дейі вице-министр.

Ләззат Ақтаева сонымен бірге, кадрлардың жетіспеушілігі турасындағы мәселеге жауап берді.

«Сіздер бұрын бұл ұсынысты жолдамағандықтан, биыл аталған мәселеге қатысты не тындыруға болатынын қарастырып көрейін. Біз аймақтардағы кадрлардың жетіспеушілігін сараптап көрдік.  Ауылдық жерлерде кадр әлеуетін арттыру үшін ЖОО-ның 7-курсынан кейін білім алған мамандарды көптеп тарту мәселесі қолға алынды. Бұған қоса белгілі бір мамандарды қайта даярлауға мүмкіндік бердік. Инфекция саласындағы дәрігерлер расында ауылдарда жоқ. Мәселені алдағы уақытта бірге талқылайтын боламыз», - деп түйді Ақтаева.

Соңғы жаңалықтар