Венесуэла жағажайында қарақшылар 300 туристі тонап кетті

АСТАНА. ҚазАқпарат - Беттерін бүркеп алып, қаруланған жеті ер адам Венесуэланың шығысындағы теңіз жағажайында демалып жатқан 300 туристі тонап кетті.

Шабуылдаушылар туристерді үрейлендіру үшін әуеге бірнеше рет оқ атқан, деп хабарлайды шетелдік БАҚ.

Арапито жағажайында демалып жатқандар тонаушыларға әмияндары мен бағалы заттарын берген. Шабуыл кезінде ешкім зардап шекпеді.

Көп ұзамай жергілікті тұрғындар полицияның әрекетсіздігіне наразылық білдіру белгісі ретінде Арапито қаласына барар жолды жауып тастады.