+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Венада АЭХА Бас конференциясының 65-ші жыл сайынғы сессиясы өтіп жатыр

2021 жылғы 24 қыркүйек 17:51
Бөлісіңіз:
Венада АЭХА Бас конференциясының 65-ші жыл сайынғы сессиясы өтіп жатыр

НҰР-СҰЛТАН. ҚазАқпарат - Вена қаласында Атом энергиясы жөніндегі халықаралық агенттігі (АЭХА) Бас конференциясының 65-ші жыл сайынғы сессиясы өтіп жатыр, деп хабарлайды ҚазАқпарат ҚР Энергетика министрлігінің баспасөз қызметіне сілтеме жасап.

Ұқсас жаңалықтар
«Теңізшевройл» отандық кәсіпорындардың тауарын сатып алуды ұлғайтуы керек – Энергетика министрі Қарағанды облысында ең ескі ЖЭО жаңғыртылады

Баспасөз қызметінің мәліметтеріне қарағанда, АЭХА Бас конференциясының жұмысына жыл сайын Агенттікке 135-тен астам мүше мемлекеттердің, халықаралық және үкіметтік емес ұйымдардың 2000-нан астам өкілі қатысады.

Сессия барысында делегаттар атом саласындағы стратегиялық мәселелерді талқылайды. Мәселен, АЭХА Бас конференциясының 65-ші сессиясының пленарлық отырысы барысында қатысушылар ядролық және радиациялық қауіпсіздікті қамтамасыз ету, техникалық ынтымақтастық мәселелерін, сондай-ақ COVID-19-ға қарсы күрес бойынша қабылданып жатқан шараларды және басқаларды қарайды.

Конференция жұмысына ҚР Энергетика министрлігінің, ҚР Сыртқы істер министрлігінің, «Қазақстан Республикасының Ұлттық ядролық орталығы» РМК, «Қазатомөнеркәсіп» ҰАК» АҚ және т.б. өкілдері қатысады.

Қазақстандық делегация мүшелері АҚШ, Оңтүстік Корея әріптестерімен, сондай-ақ АЭХА Бас директоры Рафаэль Мариано Гроссимен және АЭХА құрылымдық бөлімшелерінің өкілдерімен екіжақты кездесулер өткізуде.

«Сессия барысында Қазақстан Республикасының Ұлттық ядролық орталығы мен Үндістан Республикасының атом-энергетикалық әріптестігінің жаһандық орталығы арасында Меморандумға қол қою рәсімі өтті. Құжатта атом энергиясын бейбіт мақсатта пайдалану саласындағы ғылыми-техникалық ынтымақтастық көзделген»,-делінген ҚР Энергетика министрлігінің баспасөз қызметінің хабарламасында.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT