Велосипед Ferrari-ден озып кетті (ВИДЕО)
2014 жылғы 13 қараша 06:36

Велосипед Ferrari-ден озып кетті (ВИДЕО)

АСТАНА. ҚазАқпарат - Велосипедші Ferrari көлігінен озып кетті. Ерекше велосипеді бар видеоны «YouTube» әлеуметтік желісінде үш миллионнан астам адам тамашалады, деп хабарлады Росбалт.

Жарыс Францияның оңтүстігіндегі Ле-Кастелльдегі Поль Рикар даңғыл жолында өтті. Франсуа Гиссидің велосипеді үш шағын ракеталық қозғалтқышпен жабдықталған. Оның жылдамдығы сағатына 333 шақырым, жылдамдық алу уақыты - 4,8 секунд.

Франсуа Гисси жылдам жүретін велосипедті бірінші құрап отырған жоқ. 2013 жылы ол «темір тұлпарының» реактивті қозғалтқышын орнатып, 6,7 секундта 285 шақырымға қол жеткізді. Енді сағатына 333 шақырымды орнынан қозғалу қуатымен 4,8 секундқа дейін бағындырған ол өз рекордын жаңартты.

Серіктестер жаңалықтары

Jańalyqtar

Үрдіс

MURAǴAT