09:41, 06 Маусым 2018 | GMT +6
Василий Левит Президент Кубогында үндістандық боксшыны нокаутқа жіберді
АСТАНА. ҚазАқпарат - Қазақстандық боксшы Василий Левит бокстан ҚР Президенті Кубогында бірінші жекпе-жекте жеңіске жетті, деп хабарлайды «SPORTINFORM» САА.
91 келіге дейінгі салмақ дәрежесінде 1/8 финалда Левит үндістандық Санжит Санжитпен айқасты. Екінші раундта қазақстандықтың сәтті шабуылынан кейін Санжит нокдаунға түссе де, жекпе-жекті жалғастырды. Кейін Василий қарсыласының басына қатты соққы беріп, оны нокаутқа жіберді.
Василий Левит 8 маусымда ширек финалда қытайлық боксшы Ванг Жибаомен рингтке кездеседі.
Еске салайық, ҚР Президентінің Кубогы 5 маусымда Астанада басталып, 10 маусымға дейін жалғасады. Жыл сайынғы турнирге 15 елдің әуесқой боксшылары қатысады.