+7 (701) 759 90 19
USD 425.63 EUR 515.99
RUB 5.92 CNY 66.52
Jańalyqtar

Вашингтонда бензин тапшылығы сақталып отыр

2021 жылғы 16 мамыр 10:44
Бөлісіңіз:
Вашингтонда бензин тапшылығы сақталып отыр

НҰР-СҰЛТАН. ҚазАқпарат – АҚШ-тың Вашингтон қаласында бензин тапшылығы әлі де сақталып отыр. Дефицит Colonial Pipeline отын желісіне жасалған кибершабуылдан кейін пайда болған еді, деп хабарлайды ҚазАқпарат Америка дауысы басылымына сілтеме жасап.

Жағдайды бақылап отырған GasBuddy сайтының мәліметінше, жұма күні АҚШ астанасындағы көлікке жанармай құю стансаларының 88 пайызында бензин болған жоқ.

АҚШ президенті Джо Байден көлік жүргізушілеріне осы демалыс күндері отын жеткізу нормасына келетінін айтып, уәде етті.

Бұған дейін Colonial Pipeline отын құбыры жұмысының толық қалпына келгенін мәлім еткен.

Америка автомобиль қауымдастығының мәліметінше, елде бензииннің орташа бағасы бір галлон үшін 3,04 долларға дейін жеткен.

Бұл – 2014 жылдың қазан айынан бері тіркелген ең жоғары баға.

Еске сала кетсек, бірнеше күн бұрын бопсалау бағдарламасын қолдану арқылы жасалған кибершабуыл АҚШ-тағы ең ірі отын құбырының жұмысын тоқтатып, отын жеткізуге кедергі келтірген.

Бейсенбі күні президент Джо Байден хакерлердің Ресей аумағынан әрекет жасағанын, алайда АҚШ бұл кибершабуыл артында Ресей тұр деп санамайтынын мәлімдеген.

Сонымен бірге ол хакерлерді жауапқа тарту қажет екенін айтып, қарсы шаралар қолданатынын жоққа шығарған жоқ.

Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT