+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Вакцинаның бірінші компонентін алғандарға да «жасыл» статус берілуі мүмкін

2021 жылғы 28 шілде 17:51
Бөлісіңіз:
Вакцинаның бірінші компонентін алғандарға да «жасыл» статус берілуі мүмкін

НҰР-СҰЛТАН. ҚазАқпарат – «Көк» статус ұғымын Ashyq жүйесінен шығару туралы айту әзірге ерте. Санитарлық-эпидемиологиялық бақылау комитетінің төрағасы Айжан Есмағамбетова орталық коммуникациялар қызметінде БАҚ өкілдерінің сұрағына берген жауабында осындай пікір білдірді, деп хабарлайды ҚазАқпарат тілшісі.

Ұқсас жаңалықтар
Алматыда «Ashyq» көшбасшысына заңсыз айыппұл салынды

«Шынымен де қазір ПТР тест бойынша науқас екені анықталмаған және науқаспен байланыста болмаған адамдар үшін «көк» статус бар. Олар Ashyq жүйесіндегі нысандарға еркін кіре алады. Қазір біз «жасыл» статусқа екпенің тек екі компонентін ғана алғандарды емес, бірінші компонентін алғандарды да қосқалы жатырмыз. Бұл өз кезегінде елді вакцина алуға ынталандырады. Екінші жағынан, «көк» статустағы адамдардың саны азайтуға мүмкіндік береді», - деген комитет басшысы «көк» сатусты Ashyq жүйесінен шығарылуы мүмкін екенін айтты.

«Әзірге бұл асығыс шара болар еді. Өйткені вакцинаның бір компонентін алғандардың саны, өкінішке қарай, 5 млн адамнан енді ғана асты. Қалған 8 млн адам әлі «көк» статуспен жүр және «қызыл», «сары» статустағы азғантай халық бар. Сондықтан әзірге «көк» статусты жүйеден шығару туралы айтып отырған жоқпыз. Вакцина алғандардың саны көбейсе, «көк» статусты Ashyq жүйесінен шығарып тастау мүмкіндігін қараймыз деп топшылаймын», - деді Айжан Есмағамбетова.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT