Вагон-мейрамханасы істей бастаған жолаушылар пойызының тізімі жарияланды
ҚР Көліктегі Бас мемлекеттік санитарлық дәрігердің 24 тамыздағы № 56 «Жолаушылар пойыздарындағы қоғамдық тамақтандыру объектілерінде шектеу шаралары және оларды кезең – кезеңімен жеңілдету туралы» қаулысына сәйкес, жолаушы пойыздарында қоғамдық тамақтандыру объектілерінің (вагон-мейрамханалар, вагон-барлар және купе-буфеттер) кезең-кезеңімен іске қосыла бастады.
«Жолаушы пойыздарында қоғамдық тамақтандыру объектілерінің қызметі карантин шаралары мен санитария-дезинфекция режимін қатаң сақтай отырып жүргізіледі. Қаулыға сәйкес жолаушылар өз вагонына тамаққа тапсырыс бере алады, сондай-ақ вагон-мейрамханаларының ішінде түскі ас ішуге рұқсат берілген. Алайда бұл тұрғыда вагон-мейрамхана 50%-дан артық толмауы тиіс», делінген хабарламада.
Ұлттық тасымалдаушы жолаушылар пойыздарында маска режимі бар екендігін, сонымен бірге кемінде 1 метр ара қашықтықты сақтай отырып, вагондар арасында жүруге жолаушыларға рұқсат етілгендігін атап өтті.
7 қыркүйектегі жағдай бойынша қатынайтын қоғамдық тамақтандыру объектілері бар жолаушылар пойыздарының тізімі:
1. № 711/712 «Нұр-Сұлтан-Шымкент» (вагон-мейрамхана, вагон-бар)
2. № 705/706 «Алматы-Петропавл» (вагон-мейрамхана, вагон-бар)
3. № 3/4 «Алматы- Нұр-Сұлтан» (вагон-мейрамхана, вагон-бар)
4. № 11/12 «Алматы-Шымкент» (вагон-мейрамхана, вагон-бар)
5. № 10/9 «Нұр-Сұлтан -Алматы» (вагон-мейрамхана)
6. № 24/23 «Ақтөбе-Алматы» (вагон-мейрамхана)
7. № 34/33 «Ақтөбе-Алматы» (вагон-мейрамхана)
8. № 379/380 «Алматы-Орал» (купе-буфет)
9. № 353/354 «Нұр-Сұлтан-Семей» (купе-буфет)