Үстел теннисі: Әлемдік турнирдегі қазақстандықтардың қарсыластары анықталды

НҰР-СҰЛТАН. ҚазАқпарат - Бүгін, 28 ақпанда Дохада (Катар) үстел теннисінен WTT Contender кезеңі басталады, деп хабарлайды ҚазАқпарат Olympic.kz сайтына сілтеме жасап.

Кирилл Герасименко іріктеу кезеңінің алғашқы кезеңінде Александр Ханин (Беларусь)/Филип Зелько (Хорватия) жұбының жеңімпазымен кездеседі. Құрамадағы ең жас Алан Құрманғалиев нигериялық Оладжиде Омотаймоға қарсы ойнайды. Ал Анастасия Лаврова Мариям Алимен (Катар), Зәуреш Акашева Наталия Григеловамен кездеседі (Словакия).

Аралас жұптық додада Алан Құрманғалиев/Анастасия Лаврова ресейлік Владимир Сидоренко/Мария Тайлакова жұбымен ойнайтын болады.