Ұшақта темекі шеккен әйелге айыппұл салынды

АЛМАТЫ. ҚазАқпарат «Кеше, 1 шілдеде Алматы қаласы әуежайындағы Желілік полиция бөліміне «Эйр Астана» АҚ әуе компаниясының өкілінен «Ақтөбе-Алматы» бағытындағы әуе кемесінің бортында құқықбұзушы бар екендігі туралы хабарлама түскен», деп хабарлайды ҚазАқпарат Көліктегі полиция департаментінің баспасөз қызметіне сілтеме жасап.

Ұқсас жаңалықтар

Кепілдегі автокөлікті арзанға «алып берумен» айналысқан алматылық ұсталды

Ақтөбеде жол ережесін бұзғандарды автоматты түрде тіркейтін жүйе жұмыс істеп тұр Алматы облысында жардан аударылғалы тұрған көліктегі жолаушылар құтқарылды Боран салдарынан Үшарал-Достық жолы жабылды

Көліктегі полиция департаменті бастығының бірінші орынбасары Қалижан Қобландиннің айтуынша, тексеру барысында көлік полицейлері әуе кемесінің бортында болған Орал қаласының 34 жастағы азаматшасын анықтады. Әуе кемесі командирінің актісі бойынша әуе рейсі қонғаннан кейін құқықбұзушы көлік полицейлеріне берілді.

«Аталған факті бойынша ҚР ӘҚБтК 441-бабының 1-2 бөлігімен (Әуе кемесінің бортында темекі өнімдерін және (немесе) электрондық сигареттерді тұтыну) әкімшілік хаттама толтырылып, 50 айлық есептік көрсеткіш көлемінде айыппұл салынды», - деп қорытындылады полиция полковнигі.

Еске сала кетейік, ағымдағы жыл басынан бері еліміздің Көлік полицейлері түрлі әкімшілік құқық бұзушылықтар бойынша 21 117 адамды әкімшілік жауапкершілікке тартты, оның ішінде 1 64-і адам қоғамдық орындарда темекі шеккен.