Ұшақ апатынан зардап шеккендер ауруханаға жатқызылып жатыр
2019 жылғы 27 желтоқсан 10:08

Ұшақ апатынан зардап шеккендер ауруханаға жатқызылып жатыр

АЛМАТЫ. ҚазАқпарат - Алматы маңындағы ұшақ апаттынан зардап шеккендер №4 аурухана мен балалар «Жедел медициналық көмек» орталығына жеткізілді, деп хабарлайды ҚазАқпарат тілшісі қала әкімдігінің баспасөз қызметіне сілтеме жасап.

«Зардап шеккендер 4 қалалық клиникалық аурухана мен балаларға жедел көмек көрсету орталығына жеткізілді»,-делінген хабарламада.

Алматы әкімдігі барлық қалалық қызметтерді жұмылдырды. ТЖД (30 адам және 7 техника) жедел құтқару тобы (16 қызметкер, 2 техника және 1 кинологиялық ит), апаттар медицина орталығы (4 қызметкер және 1 техника), жедел жәрдем (35 қызметкер және 15 техника) жұмыс істейді. Сонымен қатар ПД (200 қызметкер және 20 техника) және 12 жедел топ құрылды.

Айта кетейік, бүгін таңда Алматыдан Нұр-Сұлтан қаласына ұшып шыққан ұшақ радардан жоғалып кетті.

Кейін 95 жолаушысы және 5 экипаж мүшесі бар ұшақтың апатқа ұшырағаны мәлім болды. Оқиғаның мән-жайын анықтау үшін ұшақ құлаған аумаққа арнайы комиссия ұшып шықты. Осы апатқа қатысты шұғыл желі іске қосылған.


Автор:
Тілші

Jańalyqtar

MURAǴAT