Ұшақ алдында селфи жасамақ болған қыздар ажал құшты

АСТАНА. ҚазАқпарат - Мексикадағы Чинипас қаласында қонуға бет алған ұшақ алдында селфи жасамақ болған екі бойжеткен жал құшты, деп хабарлайды Proceso басылымы.

Қыздар қалаға жергілікті әуежай жанында өтіп жатқан ат жарысын көруге келген. Іс-шара  біткеннен кейін селфи жасау үшін ұшу алаңына өткен.

Екеуін де  қонуға бет алған жеңіл моторлы  ұшақтың қанаты соққан. Шамасы олар  айналадағы шудан жақындап келе жатқан ұшақ дыбысын естімеген болуы керек.

Соңынан ұшқыш қыздарды көргенін, бірақ соқтығысудан қашуға үлгере алмағанан айтқан.