12:30, 22 Наурыз 2021 | GMT +6
Үш өңір «қызыл» аймақта тұр
НҰР-СҰЛТАН. ҚазАқпарат – Коронавирус инфекциясы бойынша Қазақстан өңірлеріндегі эпидемиологиялық ахуалды бағалау матрицасының 21 наурыздағы мәліметтері жарияланды, деп хабарлайды ҚазАқпарат.
Оған сәйкес, «қызыл» аймақта Нұр-Сұлтан және Алматы қалалары мен Батыс Қазақстан облысы тұр.
«Сары» аймақта Ақмола, Ақтөбе Алматы, Атырау және Қарағанды облыстары орналасқан.
Қалған өңірлер – «жасыл» аймақта.
Бұдан бұрын хабарланғандай, өткен тәулікте Қазақстанда коронавирус инфекциясына оң нәтие көрсеткен 1208 науқас анықталды. Олардың ең көп саны Алматыда (410) және Нұр-Сұлтанда (203).
Сондай-ақ бұған дейін Денсаулық сақтау министрлігі бүгінгі таңда Қазақстанда коронавирустан 21314 адам ем алуды жалғастырып жатқанын хабарлады.