00:31, 27 Желтоқсан 2018 | GMT +6
Үш облыста автожолдар толығымен жабылды
АСТАНА. ҚазАқпарат - Ауа райының нашарлауына байланысты еліміздің үш өңірінде барлық бағыттар бойынша автожолдар жабылды, деп хабарлайды ҚазАқпарат.
«Қазақавтожол» ЖШС-ның мәліметінше, осы уақытта ауа температурасының күрт төмендеуі салдарынан (-35 градус) Шығыс Қазақстан мен Павлодар облыстарында барлық жолдарда қозғалысқа тыйым салынды.
Батыс Қазақстан облысында көру мүмкіндігінің шектеулігіне (бұрқасын) байланысты өңірден шығатын барлық трассалар жабылды.