Үш қалада ауа сапасы нашарлайды - Қазгидромет

НҰР-СҰЛТАН. ҚазАқпарат – 31 наурыз күні еліміздің көптеген қалаларында жағымды метеорологиялық ахуал болжанады, деп хабарлайды ҚазАқпарат.

«Қазгидромет» РМК мәліметінше, сейсенбі күні ауа сапасының нашарлауы Нұр-Сұлтан, Петропавл және Өскеменде күтіледі.

Қалған шаһарларда метеожағдай қалыпты болады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.