+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

Үш қабатты коттедж бен автокөлігі бар азаматтарға да АӘК төленіп кеткен – Бердібек Сапарбаев

2019 жылғы 13 шілде 13:42
Бөлісіңіз:
Үш қабатты коттедж бен автокөлігі бар азаматтарға да АӘК төленіп кеткен – Бердібек Сапарбаев

НҰР-СҰЛТАН. ҚазАқпарат - Шымкентке жұмыс сапары аясында ҚР Еңбек және халықты әлеуметтік қорғау министрі Бердібек Сапарбаев атаулы әлеуметтік көмек, жаңа жұмыс орындарын құру, халықты жұмыспен қамту және басқа да әлеуметтік-еңбек саласының мәселелері бойынша кеңес өткізді.

Ұқсас жаңалықтар
Алматы облысында еңбек қауіпсіздігі бойынша жұмысты жандандыру қажет – Нұрымбетов 2020 жылы мүмкіндігі шектеулі азаматтарды қолдайтын портал іске қосылады Қызылорда облысындағы арнайы дүкенде азық-түлік 50 пайыз жеңілдікпен сатылады

Бұл туралы ҚазАқпарат министрліктің баспасөз қызметіне сілтеме жасап хабарлайды.

Еңбек министрлігі басшысының мәліметінше, бүгінде Қазақстанда атаулы әлеуметтік көмек алатын 291 мың отбасы немесе 1 миллион 450 мың адамға 87 млрд. теңге төленді. Бұл ретте АӘК алушылардың 38% Шымкент қаласы мен Түркістан облысының тұрғындары.

Бердібек Сапарбаев АӘК-тің негізгі мақсаты – қиын жағдайға тап болған отбасыларға көмек көрсету, соның ішінде жұмыспен қамтудың белсенді шараларын көрсету арқылы жәрдемдесу екеніне ерекше назар аударды. Осыған байланысты ол жергілікті жерлерде ақпараттық-түсіндіру жұмыстарын күшейту қажеттігін атап өтті.

Министрдің мәліметінше, республика бойынша еңбекке қабілетті 85 мың АӘК алушының тек 32,5 мыңы немесе 38 пайызы ғана әлеуметтік келісімшарттар жасасқан. Түркістан облысында бұл көрсеткіш 29 пайызды, Шымкент қаласында 9 пайызды құрайды.

«Кейбір жұмысқа қабілетті азаматтар АӘК-ті алғысы келеді, бірақ жұмыс істеуден бас тартады. Еңбекке қабілетті әлеуметтік көмек алушылармен міндетті түрде олар жұмысқа орналаса алатын, жаңа мамандықтар мен бизнес жүргізу негіздерін оқитын, гранттар мен жеңілдетілген микрокредит алатын әлеуметтік келісімшарттар жасау керек. Масылдыққа жағдай жасауға болмайды, сондықтан тиісті өзгерістер ережеге енгізілетін болады»,- деді Сапарбаев.

Сондай-ақ, ведомство басшысы атаулы әлеуметтік көмек тағайындау және төлеу кезінде заңбұзушылықтарға жол берілмеуін талап етті.

«Біздің мамандарымыз «E-Халық IP»-де тіркелмеген төлемдер, артық төлемдер, екі еселенген төлемдер, учаскелік комиссияның тексеруінсіз АӘК тағайындау сияқты бірқатар заңбұзушылықтарды анықтады. Мысалы, меншігінде үш қабатты коттедж бен автокөлігі бар азаматтарға АӘК төленіп кеткен жағдайлар да орын алған. Бұл бюджет қаражатын заңсыз пайдалану және оған жауапкершілік көзделген. Әкімдіктерге жергілікті жерлерде бақылауды күшейту керек», - деп атап өтті министр.

Осыған байланысты Министрлік тарапынан әкімдіктермен және құқық қорғау органдарымен бірлесіп анықталған заңбұзушылықтарды жоюға, заңсыз төленген қаражатты бюджетке қайтаруға, сондай-ақ болашақта мұндай заңбұзушылықтарға жол бермеуге бағытталған жұмыстар атқарылып жатыр.

Сонымен қатар, кеңесте жаңа жұмыс орындарын ашу, жалақы бойынша берешектерді төлеу, жұмыссыз және аз қамтылған азаматтарды «Еңбек» мемлекеттік бағдарламасына тарту мәселелері қаралды.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT