Үш аймақта күн бұзылады

None
None
НҰР-СҰЛТАН. ҚазАқпарат - Ауа райының бұзылуына байланысты Қазақстанның бірқатар өңірінде ескерту жарияланды, деп хабарлайды ҚазАқпарат «Қазгидромет» РМК баспасөз қызметіне сілтеме жасап.

26 маусымда Солтүстік Қазақстан облысының кей жерлерінде найзағай жарқылдап, бұршақ жауады. Солтүстік-батыстан жел соғады. Кей жерлерде жел екпіні 15-20 м/с жетеді.

Осы күні Петропавл қаласында күн күркірейді.

26 маусымда Атырау облысында солтүстіктен соққан желдің қарқыны 15-20 м/с дейін күшейеді.

Атырау қаласында да солтүстіктен секундына 15-18 метр жылдамдықпен күшті жел соғады.

27-28 маусымда Ақмола облысында нөсер жаңбыр жауады. Кей жерлерде найзағай ойнап, дауыл соғады, бұршақ жауады. Солтүстік-шығыстан соққан жел оңтүстік-батысқа ауысқанда кей жерлерде екпіні 23-28 м/с жетеді.

27-28 маусымда ауа температурасы түнде +2-10, күндіз +10-18 градусқа дейін төмендейді.


Соңғы жаңалықтар