Үш әріп - GGG: Головкинге арнап жанкүйері ән шығарды

АСТАНА. ҚазАқпарат - Астаналық рэп орындаушы Ермек Жұмабекұлы Геннадий Головкиннің кезекті жекпе-жегіне орай арнайы ән шығарып, оған клип түсірді, деп хабарлайды ҚазАқпарат тілшісі.

Ұқсас жаңалықтар

Головкин орта салмақта аты аңызға айналған Хаглердің жолымен жүрген жоқ

Геннадий Головкин өзінің бұрынғы менеджерлерін сотқа берді Геннадий Головкиннің жекпе-жектері енді DAZN арнасынан көрсетіледі

Ермек Жұмабекұлының мамандығы саясаттанушы болғанымен музыкамен де айналысады. Ермек Генаның нағыз жанкүйері. Оған дәлел сүйікті спортшысына осымен үшінші шығармасын арнады. Ол барлық әнінің сөзін өзі жазады. Ермектің рэп стилінде айтатын бұған дейінгі екі туындысы орыс тілінде шықты. Ал үшіншісі күні кеше ғана «Үш әріп: GGG-3» деген атаумен қазақ тілінде жарық көрді. Сонымен қатар рэпке арнап клип те түсіріп үлгерді.

«Іс-шара, концерттер ұйымдастырушысы қызметін атқаратындықтан, музыка саласы жүрегіме жақын, бос уақытымда студияда ән жазамын. Жалпы Геннадийге ән арнап шығару идеясы осыдан бір жыл бұрын пайда болды.  Ал, «Үш әріп: GGG-3»-ке келсем рэп шығару туралы ұзақ ойланып жүрдім. Жекпе-жекке екі апта қалғанда қазақ тілінде шығарамын деп шешім қабылдап, іске кірістім. Кеше толық бітіріп, ютуб желісіне жүктедім, - деді ҚазАқпарат тілшісіне берген сұхбатында Ермек Жұмабекұлы. 

 

Г.Головкиннің бірде-бір жекпе-жегін жібермей көретін Ермек, санаулы сағат қалған кезекті айқасты да асыға күтіп отырғанын айтып, боксшыға жеңіс тіледі.

Айта кетейік, бүкіл әлем назары ауып отырған айтулы жекпе-жек 15 қыркүйекте (Қазақстанда 16 қыркүйекте таңертең) Лас-Вегастағы T-Mobile Arena-да өтеді.