+7 (701) 759 90 19
USD 422.87 EUR 503.38
RUB 5.6 CNY 64.3
Jańalyqtar

Үш аптада Қазақстанға ПТР анықтамасыз ұшып келген 31 шетел азаматы депортацияланды

2020 жылғы 27 қазан 16:49
Бөлісіңіз:
Үш аптада Қазақстанға ПТР анықтамасыз ұшып келген 31 шетел азаматы депортацияланды

НҰР-СҰЛТАН. ҚазАқпарат – Көліктегі бас мемлекеттік санитарлық дәрігер Сәдуақас Байғабылов 6 қазаннан бері Қазақстанға халықаралық әуе рейстері бойынша 426 ұшақ ұшып келгенін мәлім етті, деп хабарлайды ҚазАқпарат тілшісі.

Ұқсас жаңалықтар
Қызылорда облысында 8 оқушы коронавиус жұқтырды Маңғыстау облысында коронавирус бойынша эпидемиологиялық жағдай тұрақты БҚО-да қараша айында 355 адам коронавирустан емделіп шықты

«6 қазаннан бастап тиісті қаулы талаптарына сәйкес шетелдік азаматтар ПТР тест анықтамасыз әуе бортына кіргізілмеуі тиіс. Алайда олардың кейбірінің анықтамасының уақыты өтіп кеткендіктен немесе кейбірі экспресс-тестпен келгендіктен 31 шетелдік азамат депортацияланды. Депортацияланған 31 жолаушы - Ресей, Украина, Беларусь, Түркия, Германия, Ұлыбританияның елдерінің азаматтары», - деді Сәдуақас Байғабылов ОКҚ-да өткен баспасөз мәслихатында.

Оның айтуынша Қазақстанға халықаралық әуе рейстері бойынша 426 ұшақ ұшып келген. Олардың ішінде 19 рейстен коронавирус жұқтырғандар анықталған.

«Халықаралық әуе рейстеріне жүргізілген мониторинг барысында коронавирус жұқтырған 39 жолаушымен байланыста болған азаматтардан және бортсеріктерден вирус анықталмады», - деді ол.

Еске сала кетсек бүгін ҚР Үкіметінің баспасөз қызметі ведомствоаралық комиссияның әуе компанияларына ПТР тесті нәтижесі туралы анықтамасы жоқ жолаушыларды ұшаққа отырғызуға тыйым салу туралы шешімін түсіндірген болатын. Бұл талап тек шетелдік азаматтарға қатысты. Шетелде жүрген ҚР азаматтарының әуе рейстерімен ПТР тестілеуден өткені туралы анықтамасынсыз отанына оралуға құқығы бар. Мұндай жағдайда Қазақстанға келгеннен кейін қазақстандықтар ПТР тестілеу нәтижесін алғанға дейін карантинге орналастырылатын болады. ҚР өңірлері арасындағы ішкі әуе рейстерінің ұшағына отырғызу кезінде ПТР тест нәтижесі туралы анықтама талап етілмейді.


Біздің каналымызға жазылыңыз:

Бөлісіңіз:

Автор:

Аян Бекенұлы

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT