+7 (701) 759 90 19
USD 387.37 EUR 428.55
RUB 6.06 CNY 55.06
Jańalyqtar

«Үркер» ұлттық сыйлығына өтінім қабылдаудың аяқталуына 5 күн қалды

2019 жылғы 14 маусым 13:03
Бөлісіңіз:
«Үркер» ұлттық сыйлығына өтінім қабылдаудың аяқталуына 5 күн қалды

НҰР-СҰЛТАН. ҚазАқпарат - Журналистерге арналған «Үркер-2019» ұлттық сыйлығына өтінім қабылдау 20 маусымда аяқталады, деп хабарлайды ҚазАқпарат тілшісі.

Бұған дейін хабарлағанымыздай, сыйлыққа өтінім 25 мамырдан қабылдана бастаған еді. Ұлттық сыйлық баспа, радио, интернет-журналистика саласындағы үздік жетістіктері үшін беріледі. Аталған сыйлық өңірлердегі мультимедиалық журналистиканы дамытуға ықпал ету, журналистика мәртебесін көтеру, кәсіби стандарттар мен критерийлерді бекіту, қоғамның азаматтық белсенділігін арттыруға бағытталған.

Сыйлықтың құрылтайшысы және ұйымдастырушысы - ҚР Ақпарат және қоғамдық даму министрлігі. Биыл өтініштер жылдың үздік фотографиясы, жылдың үздік репортажы, жылдың үздік аналитикалық материалы, жылдың үздік журналистік зерттеуі, жылдың үздік сұхбаты, Қазақстан туралы жылдың үздік танымдық материалы, жылдың үздік радиостанциясы, жылдың үздік ақпараттық порталы, жылдың үздік газеті, жылдың үздік журналы, жылдың үздік new media-сы (telegram-канал, әлеуметтік желілердегі үздік ақпараттық паблик) номинациялары бойынша қабылданады.

Үздіктерді арнайы құрылған комиссия айқындайды. Оның құрамына медиа саласының дамуына елеулі үлес қосқан танымал менеджерлер, журналистер, қоғам қайраткерлері енеді. Жеңімпаздарға 1 млн теңге және сыйлықтың арнайы естелік мүсіншесі табысталады.

Еске сала кетсек, баспа, радио және интернет-журналистика саласындағы «Үркер» ұлттық сыйлығы 2017 жылдан бері тағайындалып келеді. Сол тұста Дәурен Абаев «осы сыйлықтың арқасында журналистердің біліктілік деңгейі жоғарылайтынын» атап өткен еді.

2017 және 2018 жылғы «Үркер» сыйлығының жеңімпаздарын мына сілтемелерден көруге болады: Үркер-2017 және Үркер-2018

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT