«Үркер» сыйлығының үміткерлері қызыл кілем үстімен жүріп өтті
Салтанатты сыйлықты табыстау шарасына Үкімет мүшелері, Парламент депутаттары және журналистика саласының беделді өкілдері шақырылды. Сондай-ақ, бүгінгі кешке ҚР Мемлекеттік хатшысы Гүлшара Әбдіқалықова, сенатор Дариға Назарбаева, ҚР Мәдениет және спорт министрі Арыстанбек Мұхамедиұлы және Астана әкімі Әсет Исекешев келеді деп күтілуде.
Еске сала кетсек, мамыр айының басында ҚР Ақпарат және коммуникациялар министрі Дәурен Абаев журналистерді Баспа, радио және интернет журналистика саласындағы тұңғыш «Үркер» ұлттық сыйлығына қатысуға шақырған еді. Байқауға қатысу туралы өтінімдер 7 мамыр мен 10 маусым аралығында El.kz сайты арқылы қабылданды.
Ұсынылған дүниелерді белгілі қоғам қайраткерлері, зиялы қауым өкілдері мен кәсіби журналистерден құралған қазылар алқасы сарапқа салды және 15 номинация бойынша жүлдегерлерді анықтады.
Байқау жеңімпаздары естелік мүсінше мен 1 000 000 теңге ақшалай сыйлыққа ие болады.
Сыйлық құрылтайшысы - ҚР Ақпарат және коммуникациялар министрлігі, ұйымдастырушы - «Қазконтент» АҚ.