+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

«Үркер-2020» Ұлттық сыйлығына өтінім қабылдау басталды

2020 жылғы 2 қазан 11:52
Бөлісіңіз:
«Үркер-2020» Ұлттық сыйлығына өтінім қабылдау басталды

НҰР-СҰЛТАН. ҚазАқпарат - «Үркер-2020» Ұлттық сыйлығына өтінім қабылдау басталды, деп хабарлайды ҚазАқпарат тілшісі.

Ұлттық сыйлық баспа, радио, интернет-журналистика саласындағы үздік жетістіктері үшін беріледі, журналистика мәртебесін арттыруға, оны насихаттап ерекшелейтін кәсіби стандарттар мен критерилерді бекітуге бағытталған. Конкурс мақсаты – талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлестеріне құрмет көрсету.

Бәйгеге контентті өндіретін және тарататын республикалық және өңірлік радиостанциялар, баспа және интернет-басылымдар қатыса алады.

Ағымдағы жылы болған әлемдік өзгерістерге байланысты «Үркер» Ұлттық сыйлығы күз маусымында өткізіледі. Өтінімдер 2020 жылдың 02 қазанынан 2 қарашасына дейін қабылданады.

Конкурстық жұмыстарға қойылатын талаптар:

- жұмыстар 2019 жылдың 1 қаңтары мен 2020 жылдың 1 қарашасы аралығында жариялануы тиіс;

- жұмыстар баспа басылымында, интернет-ресурста жариялануы немесе радиоэфирде шығуы тиіс.

«Үркер-2020» Ұлттық сыйлығының жеңімпаздарын марапаттау рәсімі онлайн форматта 2020 жылдың 13 қарашасында өтеді.

Биылғы жылы «Үркер - 2020» сыйлығы 11 номинация бойынша марапатталады:

1. Жылдың үздік фотосуреті;

2. Жылдың үздік репортажы;

3. Жылдың үздік аналитикалық материалы;

4. Жылдың үздік журналистік зерттеуі;

5. Жылдың үздік сұхбаты;

6. Жылдың үздік танымдық материалы;

7. Радиостанциядағы үздік жоба;

8. Жылдың үздік жаңалықтар порталы;

9. Жылдың үздік газеті;

10. Жылдың үздік журналы;

11. Шерхан Мұртаза атындағы Номинация.

Биылғы жылы публицистерге жеке номинация арналды. Номинация Шерхан Мұртазаның құрметіне аталды . Шерхан Мұртазаның есімімен тек қазақ әдебиеті ғана емес, отандық журналистика да байланысты. Қазақстандық публицистика саласының майталманы кәсіби журналистердің бірнеше буынын тәрбиелеген еді. Бүгінгі қоғам өмірінің өзекті мәселелері мен құбылыстарына өз жұмыстарын арнаған авторлар аталмыш номинацияға үміткер бола алады. Материалдар баспа немесе интернет-басылымдарда қазақ немесе орыс тілдерінде жариялануы тиіс.

Байқау жұмыстарын беделді журналистер, саланың еңбек сіңірген қайраткерлері және халықаралық медиа сарапшылардан құралған тәуелсіз қазылар алқасы бағалайды.

Конкурс қорытындысы бойынша әр номинацияның үздік өкіліне жеңімпаз атағы беріліп, « Үркер-2020 « естелік мүсіншесі және 1 млн теңге мөлшеріндегі ақшалай сый табысталады. Конкурсқа қатысу үшін үміткерлер https://urker-awards.kz/ru/ ресми сайтындағы тиісті өтінімді толтыруы қажет.


Біздің каналымызға жазылыңыз:

Бөлісіңіз:

Автор:

Аяулым Алтынбек

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059

MURAǴAT