+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Үрімжідегі студенттер ҚР Тәуелсіздігінің 25 жылдығына арналған концерт өткізді

2016 жылғы 20 желтоқсан 08:57
Бөлісіңіз:
 Үрімжідегі студенттер ҚР Тәуелсіздігінің 25 жылдығына арналған концерт өткізді

БЕЙЖІҢ-ҮРІМЖІ. ҚазАқпарат - Қытайдағы Қазақстандық студенттер қауымдастығының (KSAC) Шыңжаң бөлімі Үрімжі қаласында ҚР Тәуелсіздігінің 25 жылдығына арналған мерекелік концерт өткізді, деп хабарлайды «ҚазАқпарат» ХАА Қытайдағы меншікті тілшісі.

Шара 16 желтоқсан күні Үрімші қ. ҚР СІМ Паспорт-виза қызметінің қолдауымен өтті, оның басшысы Марғұлан Күзекбаев ҚХР-дағы ҚР Елшісі Шахрат Нұрышевтың атынан мерекеге жиналған 200-ден астам қонақты құттықтап, оқуда табыс тіледі.

Концерттік бағдарламаға Нұрқанат Рахметов («Көк тудың желбірегені» әні), Шыңжаң қаржы-экономикалық университетінің студенттері («Қамажай» биі), Айнар Шаймарданова («Қазақ жастарының ұраны» әні), Шыңжаң мемлекеттік университетінің студенті Абзал Омаров (домбырамен попурри), Әйгерім Қалибаева мен Аида Бегімбет (испан биі), Данияр Әбітаев («Отан-Ана» әні), Жадыра Ернар («Туған жер» әні) қатысты және KSAC өкілдері бірігіп «Қазақстаным» әнін орындады.

Сонымен бірге, концерт барысында көрермендерге Қазақстан туралы бейнеролик көрсетіліп, мерекелік торт тарту етілді. Қонақтар мол дастарханнан ауыз тиіп, алаңқайда би биледі.

Біздің каналымызға жазылыңыз:

Бөлісіңіз:

Автор:

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059

MURAǴAT