+7 (701) 759 90 19
USD 435.76 EUR 493.41
RUB 5.89 CNY 68.37
Jańalyqtar

Универсиадада 5 медаль еншілеген шаңғышы ару Анна Шевченкоға екі бөлмелі пәтер берілді - Павлодар

2017 жылғы 7 наурыз 04:21
Бөлісіңіз:
Универсиадада 5 медаль еншілеген шаңғышы ару Анна Шевченкоға екі бөлмелі пәтер берілді - Павлодар

АСТАНА. ҚазАқпарат - Алматыда өткен қысқы Универсиада ойындарының бес мәрте жүлдегері атанған шаңғышы Анна Шевченкоға Павлодар облысының әкімі жас спортшылармен кездесу кезінде екі бөлмелі пәтердің сертфикатын табыстады, деп хабарлайды pavlodarnews.kz.

«Біз сіздің әрбір жарысыңызды қарап, жанкүйер болдық. Қазақстан құрамасының қоржынына бес бірдей медаль сыйлап, бәрімізді қуанышқа бөлегеніңізге рахмет. Тығыз дайындық жұмыстарына қарамастан, уақыт бөліп келгеніңіз үшін де алғыс білдіремін», - деді Болат Бақауов.

Анна Шевченко пәтер алу өзінің арманы екенін айтты.

«Бүгін тағы бір арманым орындалды. Маған қолдау танытқаныңыз үшін рахмет. Алғашқы жүлдемді алған соң маған облыс әкімі хабарласып жатыр деп тұтқаны берген кезде, қалжың деп ойлаған едім. Дегенмен көңіл сүйсіндірерлік іс болды», - деді шаңғышы.

Айта кетейік, XXVIII қысқы Универсиада ойындарында Павлодар облысынан 10 спортшы өңір намысын қорғап, 11 жүлде ұтып алды. Анна Шевченко үш қола, бір күміс және бір алтын медаль еншілеп, бір Универсиадада бес рет тұғырға шыққан тұңғыш қазақстандық спортшы атанды.

Біздің каналымызға жазылыңыз:

Бөлісіңіз:

Автор:

Ербол Жанат

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT