Универсиада-2017: Қазақстан спортшылары ең көп медаль алған спорт түрлері

АСТАНА. ҚазАқпарат - Алматыда өткен 28-қысқы Универсиада ойындарында Қазақстан спортшылары спорттың қай түрінен ең көп алтын жүлде еншілегені белгілі болды, деп хабарлайды ҚазАқпарат тілшісі.

Екі апта бойы әлем назарын өзіне аударған 28-қысқы Универсиада ойындарында жерлестеріміз ең көп бас жүлдені фрисайлдан жеңіп алды. Спорттың бұл түрінен 4 алтын олжалады. Екінші көп алтынды биатлоннан еншіледі. Спорттың бұл түрінен жерлестеріміз жеңіс тұғырының ең биік сатысына 3 рет көтерілді.

Ал шаңғы жарыстарынан 2 рет Елұранымыз шырқалса, мәнерлеп сырғанаудан 1 рет бөркімізді аспанға аттық. Міне, бұл спорт түрлері қазақ елін жалпы есепте көшбасшылардың қатарынан көрінуге мүмкіндік тудырды.

Спортшыларымыз ең көп күміс медалдьдарды биатлоннан иеленді. Спорттың бұл түрінен 3 күміс жүлде иеленсек, екінші көп күміс жүлдені шаңғы жарысынан қоржынымызға салды. Ал фристайл, хоккей, шорт-трек спортынан бір-бір күміс медаль бұйырды.

Ал қола медальды спортшыларымыз спорттың шаңғы және шорт-трек түрінен көбірек жинады. Шаңғы жарысынан - 5, шорт-тректен 5 қола қоржынымызға түсті. Одан кейінгі орында фристайл спорты. Бұл спорт түрінен 3 қолаға қол жеткізсек, биатлоннан - 2, конкимен жүгіру спортынан екі қола медаль еншіледік.