04:35, 05 Ақпан 2017 | GMT +6
Үндістанның үкіметі 1 мың ауылға интернет жеткізіп бермек
АСТАНА. ҚазАқпарат - Үндістанның үкіметі елдегі 1 мыңнан астам ауылға кең жолақты ұшқыр интернет жеткізіп бермек, деп жазады Mashable .
Елдің Қаржы министрі Арун Джетлидің хабарлауынша, бұл жобаға мемлекет 1,4 млрд доллар жұмсайды. Үкімет ауылдарда Digi Gaon онлайн-курстарын жүргізуді көздеп отыр.
Бұған дейін елдің электроника және ақпараттық технологиялар министрлігі таяу жылдарда Digital Village бағдарламасы аясында 1050 ауыл тегін Wi-Fi желісімен қамтамасыз етілетіндігін мәлім етті.
Қазіргі уақытта миллиардқа жуық Үндістан тұрғынына ғаламторға қосылуға мүмкіндік қарастырылмаған.