Қолданушы баптаулары
Қолданушы баптаулары
+7 (701) 759 90 19 Лента
USD 375.95 EUR 425.80
RUB 5.74 CNY 55.94
Jańalyqtar

Үндістанда досын шығарып салғысы келген қазақстандық айыппұл төледі

2019 жылғы 11 ақпан 17:26 441
Бөлісіңіз:
Үндістанда досын шығарып салғысы келген қазақстандық айыппұл төледі

АСТАНА. ҚазАқпарат - ҚР Сыртқы істер министрлігі Үндістанның Дели әуежайында жалған билетпен ұсталған Қазақстан азаматына қатысты қосымша ақпаратты жариялады, деп xабарлайды ҚазАқпарат тілшісі. 

Министрліктің ресми өкілі Айбек Смадияровтың айтуынша, жалған билетті жасаған жігіт ұшаққа мінуді көздеген жоқ. Ол өзінің досын шығарып салғысы келді.

«Ұшаққа кіруге тырысқан жоқ. Ол әуежайдың ішіндегі тексеру бекетінен өтіп, тіркеу аймағына кіру үшін ғана жалған билетті қолданған. Сөйтіп, өзінің досын шығарып салғысы келді. Қазір бәрі дұрыс. Төлқұжаты өзіне қайтарылды. Айыппұл төленді. Бұл қылмыстық іс емес, әкімшілік құқық бұзушылыққа жатады», - деді А.Смадияров Астанада өткен баспасөз мәслиxатында. 

Айта кетейік, бұған дейінгі баспасөз мәслиxатында Дели әуежайында Қазақстан азаматының жалған әуе билетімен ұсталғаны туралы xабарланған болатын.

«Бізге келіп түскен ақпаратқа сәйкес Дели қаласының әуежайында Қазақстанның бір азаматын әуе билетін қолдан жасағаны үшін жергілікті полиция ұстады. Ол 10 мың рупий (қазіргі курспен шамамен 53 000 теңге - авт.) көлемінде айыппұл төлегеннен кейін босатылады. Қазір ол Дели қаласында», - деді А.Смадияров. 

 

 

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Кожакелдиев Е.
Кожакелдиев Е.
954-059
MURAǴAT