Үндістан баллистикалық зымыранды сынақтан өткізді

АСТАНА. ҚазАқпарат - Үндістанда жексенбі күні ядролық оқтұмсықты алып ұшуға мүмкіндігі бар «Агни-ІІ» баллистикалық зымыранының сынағы табысты өтті.

2 мыңнан астам қашықтықта әрекет ете алатын «жер-жер» класындағы зымыран Үндістанның шығысындағы Орисса штатының Уилер аралынан мобильдік іске қосу құрылғысымен ұшырылды, деп хабарлады Үндістан Қарулы күштерінің өкілдері.Үнділік БАҚ мәліметтерінше, 600 шақырым биіктікке жеткен зымыран Бенгал шығанағының суына, алдын ала белгіленген жерге құлады.