+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Үмітті ақтамадыңдар – Құлыбаев бокстан ұлттық құрама бапкерлерін қатаң сынға алды

2019 жылғы 9 қазан 15:52
Бөлісіңіз:
Үмітті ақтамадыңдар – Құлыбаев бокстан ұлттық құрама бапкерлерін қатаң сынға алды

НҰР-СҰЛТАН. ҚазАқпарат – Бүгін Қазақстан бокс федерациясының отырысында Федерация президенті Тимур Құлыбаев бокстан ұлттық құрама бапкерлерін қатаң сынға алды, деп хабарлайды ҚазАқпарат тілшісі.

Ұқсас жаңалықтар
Жәнібек Әлімханұлы WBO титулының иегері Деметриус Андрадені жекпе-жекке шақырды Головкиннің айқасын 2020 жылы болатын үздік жекпе-жектер тізіміне енгізді «Канелоның» келесі айқасы қашан өтетіні белгілі болды

Отырыс барысында Тимур Құлыбаев жақында Ресейде өткен бокстан әлем чемпионатындағы жағдайға да тоқталды. «Левитке қатысты әділетсіздік болды деп жатырсыздар. Ендеше, ол мәселені уақтылы, сол жерде көтеру керек болатын. Ал сіздер бүгін бізді заңгерлік мүмкіндіктен айырып отырсыздар. АІВА-ға да, Халықаралық Олимпиада комитетіне де шыға алмаймыз енді. Себебі, сіздер регламентті орындамадыңыздар! Сіздер біздің бәріміздің үмітімізді ақтамадыңыздар! Сол себепті, сөгіс сіздерге әділетті түрде жарияланды. Әйтсе де, Әлем чемпионатына боксшыларды жақсы шыңдап барғандықтан, сіздерді сыйақыдан айырған жоқпыз. Әйтсе де, алдағы уақытта бас бапкер ретінде толығымен міндетіңізді орындауыңыз керек. Бүкіл командаға үлгі болып, адамдарды бағыттау қажет», - деді Тимур Құлыбаев .

Еске сала кетсек, Ғалымбек Кенжебаев бастаған бокстан ұлттық құраманың барлық бапкерлеріне сөгіс жарияланған болатын. Бұл шешімді Қазақстан бокс федерациясының жаттықтырушылар штабы Екатеринбургтегі Әлем чемпионат нәтижелерін сараптай отырып қабылдады.

ӘЧ-нің жартылай финалында Василий Левиттің айқасында төрешілер эквадорлық боксшының жеңісіне күмәнді шешім қабылдаған болатын. Левиттің секунданттары айқастың нәтижесіне наразылық білдіруі керек еді. Ережеге сәйкес, жаттықтырушылар төрешілерге жекпе-жектен кейін 60 секунд ішінде сары қағаз беруі тиіс. Бірақ, секундандтар бұл құқықты бірден пайдаланбай, уақыт жоғалтып алған.

Біздің каналымызға жазылыңыз:

Басты сөздер: Спорт, Бокс,
Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT