+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Ұлжан Байбосынова Халықаралық жыршылар додасының бас жүлдесін иеленді

2019 жылғы 16 сәуір 15:46
Бөлісіңіз:
Ұлжан Байбосынова Халықаралық жыршылар додасының бас жүлдесін иеленді

АЛМАТЫ. ҚазАқпарат - Дәстүрлі әнші Ұлжан Байбосынова Өзбекстанда өткен Халықаралық бахшы (жыршы) фестивалінде жеңімпаз атанды, деп хабарлайды ҚазАқпарат тілшісі.

«Халықаралық бахшы (жыршы) өнерінің фестивалі» биыл бірінші рет Өзбекстан Республикасының Термез қаласында өтті. Оның ашылу салтанатына Өзбекстан Президенті Шавкат Мирзиёев қатысты.

Фестиваль аясында, сондай-ақ ұлттық тағамдардың, қолөнер бұйымдарының, халықтың салт-дәстүріне қатысты жәдігерлердің жәрмеңкесі ұйымдастырылды.

Бес күнге созылған шараға Қазақстан, Корея, Моңғолия, Малайзия, Мажарстан, Сербия, Башқұртстан, Түрікменстан, Түркия, Әзербайжан, Болгария, Қырғызстан сынды 74 мемлекеттен 160-тан астам өнерпаз қатысты.

Қазақстанның атынан өнер додасына Сыр бойындағы жыраулық мектептің үлкен өкілі, белгілі Бидас Рүстембековтің шәкірті, жыршы Ұлжан Байбосынова қатысты. Доданың қорытындысы бойынша ол бас жүлдені ұтып алып, өнеріміздің абыройын асқақтатты.

Ұлжан Байбосынова - Ықылас атындағы халық музыкалық аспаптар музейінің директоры, Құрманғазы атындағы Қазақ ұлттық консерваториясының аға оқытушысы, «Франция әдебиеті мен өнерінің кавалері» орденінің иегері, Қазақстанның еңбек сіңірген қайраткері.

Еске салайық, кеше Ташкентте Өзбекстандағы Қазақстан жылының ашылу салтанаты өтті. Қазақстандық әртістердің гала-концертін екі мемлекеттің басшылары Қасым-Жомарт Тоқаев пен Шавкат Мирзиёев тамашалады.

Біздің каналымызға жазылыңыз:

Басты сөздер: Мәдениет, Өнер, Өзбекстан,
Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT